Specific Features of Preventing Crimes Related to the Illicit Trafficking of Narcotic Drugs or Psychotropic Substances in Penal Institutions
Annotation / Abstract
Abstract. This article analyzes the specific features of preventing crimes related to the illegal trafficking of narcotic drugs or psychotropic substances in penal institutions. The study examines the factors influencing the spread of narcotic substances in penal institutions, the ways they enter the territory of such institutions, as well as preventive work carried out among inmates prone to drug use. In addition, the importance of using special technical devices, including drug testers, for detecting narcotic substances and preventing their spread is highlighted
Full text
Судлар томонидан 2025 йил давомида гиёҳвандлик билан боғлиқ жиноят содир этган 10 134 нафар шахсларга озодликдан маҳрум қилиш жазоси тайинланган. Мазкур кўрсаткич 2021 йилга нисбатан 2,5 бараварга, яъни 4 182 тадан 10 134 тага кўпайган.
Умумий судланганларга нисбатан гиёҳвандлик билан судланганлар улуши 2021 йилда 9,3 фоизни ташкил этган бўлса, 2025 йилда эса 16 фоизга етган. 2025 йилда гиёҳвандлик билан боғлиқ жиноят учун озодликдан маҳрум этилган шахсларнинг 55 фоизи ёки 5 583 нафари Тошкент шаҳри (2 626), Фарғона (1 612) ва Тошкент (1 345) вилоятлари аҳолиси ҳиссасига тўғри келган [1].
Мазкур тоифадаги шахларнинг айримлари жамиятдан ажратилган шароитда жазо муддатини ўтаётган бўлсалар-да, жиноий хатти-ҳаракатларини озодликдан маҳрум этиш жойларида ҳам давом эттириб, жазони ижро этиш муассасаларининг криминоген вазияти, маҳкумларни тузалиш ва қайта ижтимоийлашув жараёнига салбий таъсир кўрсатмоқда.
Жумладан, ўтган 2025 йил давомида жазони ижро этиш муассасаларида содир этилган жиноятларнинг 17,1 фоизини гиёҳвандлик билан боғлиқ жиноятлар ташкил қилган. Шу тоифадаги жиноятларнинг 94,7 фоизи очиқ тартибли манзил-колонияларида жазо муддатини ўтаётган маҳкумлар томонидан содир этилган.
Натижада 49,8 грамм гиёҳвандлик моддалари аниқланиб, уларнинг 61,7 фоизи назорат ўтиш жойларида, 38,8 фоизи муассаса ички ҳудудларида ўтказилган тинтув тадбирлари давомида олинган [2].
Гиёҳвандлик воситалари, уларнинг аналоглари, психотроп моддалар ва кучли таъсир этувчи препаратлар жазони ижро этиш муассасаларида тақиқланган нарса ва буюмларнинг рўйхатига киритилган.
Бугунги кунда жазо муддатини ўтаётган 900 га яқин маҳкумлар гиёҳвандликка мойил шахслар сифатида рўйхатга олиниб, улар билан Ички ишлар вазирлиги ва Соғлиқни сақлаш вазирликларининг белгиланган меъёрий буйруқлари асосида келишилган ҳолда мажбурий даволанмоқда.
References
Фойдаланилган манбалар / References
- Суд статистикаси. https://stat.sud.uz/criminal.
- ИИВ ҳузуридаги Жазони ижро этиш департаменти ҳисоботлари.
- Ўзбекистон Республикаси Жиноят-ижроия кодекси. 182-модда.
- Ўзбекистон Республикаси Ички ишлар вазирининг 2012 йил 29 декабрдаги «Ўзбекистон Республикаси Ички ишлар вазирлиги озодликдан маҳрум қилиш туридаги жазони ижро этиш муассасаларининг ички тартиб қоидаларини тасдиқлаш тўғрисида»ги 174-сонли буйруғи.
APA
Vancouver
Authors
O'zbekiston Respublikasi Kriminologiya tadqiqot instituti
O'zbekiston Respublikasi Kriminologiya tadqiqot instituti